पुणे, १४ एप्रिलः यंग डॉक्टर्स लीग तर्फे दुसर्‍या ‘डॉक्टर्स प्रिमिअल लीग’ राष्ट्रीय अजिंक्यपद क्रिकेट स्पर्धेचे आयोजन करण्यात आले आहे. ही स्पर्धा १७ ते २१ एप्रिल २०२४ या कालावधीमध्ये होणार आहे. या स्पर्धेत देशभरातुन विविध राज्य आणि जिल्ह्यांतील १६ डॉक्टर्सचे संघ सहभागी होणार आहेत.
या स्पर्धेबाबत अधिक माहिती देताना यंग डॉक्टर्स लीगचे संस्थापक सदस्य आणि लहान मुलांचे न्युरोलॉजिस्ट आणि एपिलेप्टोलॉजिस्ट डॉ. संदीप पाटील आणि शहाराचे प्रसिध्द एमडी फिजिशियन आणि डायबेटोलॉजिस्ट डॉ. सुमित अग्रवाल यांनी सांगितले की, वैद्यकीय क्षेत्रातील डॉक्टरांसाठी आणि क्रिकेटप्रेमींसाठी तसेच त्यांच्या गुणांना वाव देण्यासाठी, संधी देण्यासाठी या स्पर्धेचे आयोजन करण्यात आले आहे. या स्पर्धेव्दारे डॉक्टरांच्या तंदुरूस्तीला प्रोत्साहन देणे आणि एक सकारात्मक संदेश देणे, हा मुख्य हेतु आहे.
Read More :
AboutMyClinic