पुणे, ६ डिसेंबरः यंग डॉक्टर्सं लीग (वायडीएल) यांच्या तर्फे आयोजित देशातील पहिल्या ‘इंडियन डॉक्टर्स ऑलिंपिक’ राष्ट्रीय व्हॉलीबॉल स्पर्धेच्या अंतिम सामन्यात पुण्याच्या उदगीर वॉरीयर्स संघाने पीएचडीए शिवाजीयन्स् संघाचा २-१ असा संघर्षपूर्ण पराभव करून विजेतेपद संपादन केले.
डेक्कन जिमखाना क्लब मैदानावर झालेल्या स्पर्धेच्या संघर्षपूर्ण झालेल्या अंतिम सामन्यात उदगीर वॉरीयर्स संघाने विजयासाठी प्रयत्नांची शर्थ केली. महेश धुमाळ, संकेत वाघमोडे, सागर बेनकी, मेघराज हांडे, ऋषी पावडे, रोहीत गुजराथी यांच्या सांघिक आणि नियोजनबद्ध अचूक खेळामुळे उदगीर संघाने विजयश्री खेचून आणली. शिवाजीयन्स् संघाच्या निहार सावंत, अतुल झोलेकर, विशाल भानुसे, प्रणव कदम, चिन्मय राठोड आणि विक्रम पाटील यांनी प्रत्येक गुणांसाठी कडवी झुंझ दिली.
AboutMyClinic